ലോറിയുടെ ടയർ ഊരിത്തെറിച്ച് ബസ്സിന്റെ ഡീസൽ ടാങ്ക് തകർന്നു
കണ്ണപുരം ഓടുന്നതിനിടെ ചരക്കുലോറിയുടെ ടയർ ഊരിത്തെറിച്ച് സ്വകാര്യ ബസ്സിന്റെ ഡീസൽ ടാങ്ക് തകർന്നു. ഇന്ധനം ഒഴുകിയത് പരിഭ്രാന്തി പരത്തി. പാപ്പിനിശേരി –- പിലാത്തറ കെഎസ്ടിപി റോഡിൽ കണ്ണപുരം റെയിൽവേ സ്റ്റേഷന് സമീപം ബുധൻ രാവിലെയാണ് സംഭവം. പഴയങ്ങാടി–--കണ്ണൂർ റൂട്ടിൽ സർവീസ് നടത്തുന്ന ബസ് സ്റ്റേഷന് സമീപം നിർത്തി ആളുകളെ കയറ്റുന്നതിനിടെ പഴയങ്ങാടി ഭാഗത്തേക്ക് വരുന്ന ലോറിയുടെ പിൻഭാഗത്തെ ടയർ ഊരിത്തെറിച്ച് ബസ്സിൽ പതിച്ചാണ്‌ അപകടം. നിരവധി യാത്രക്കാർ ഉള്ള ബസ്സിൽ ഡീസൽ ചോർച്ച ഉണ്ടായത് ജനങ്ങളിൽ ഭീതിപരത്തി. ---അപകടത്തെ തുടർന്ന് ഏറെനേരം ഗതാഗതക്കുരുക്കുമുണ്ടായി. കണ്ണപുരം പൊലീസെത്തി ഗതാഗതം നിയന്ത്രിച്ചു. കണ്ണൂരിൽനിന്ന് അഗ്നിരക്ഷാ സേനയെത്തി റോഡ് ശുചീകരിച്ചു. Read on deshabhimani.com