ഉദുമ മണ്ഡലത്തിൽ റോഡിന്‌ 1.18 കോടി
ഉദുമ മണ്ഡലത്തിലെ റോഡുകളുടെ നവീകരണത്തിന് 1.8 കോടി രൂപയുടെ ഭരണാനുമതിയായതായി സി എച്ച്‌ കുഞ്ഞമ്പു എംഎൽഎ അറിയിച്ചു. അഡൂർ - ചാമക്കൊച്ചി റോഡിൽ തകർന്ന കൾവർട്ടിന്റെയും ഓവുചാലിന്റെയും അപ്രോച്ച് റോഡിന്റെയും നിർമാണത്തിനായി ഒരു കോടി രൂപയുടെ പ്രവൃത്തികൾക്ക്‌ അനുമതിയായി. തിരക്കേറിയ കാസർകോട്‌ കാഞ്ഞങ്ങാട് സംസ്ഥാന പാതയിൽ ഉദുമ പള്ളത്ത് തകർന്ന കൾവർട്ടിന്റെ പുനർനിർമ്മാണത്തിന് 50 ലക്ഷം രൂപയുടെയും, ചെമ്മനാട് പഞ്ചായത്തിലെ ദേളി ജംഗ്ഷനിൽ ഓവുചാലിന്റെ അടിയന്തിര അറ്റകുറ്റപണികൾക്ക് 30 ലക്ഷം രൂപയുടെയും ഭരണാനുമതി ലഭിച്ചു. അടിയന്തിര പ്രാധാന്യമുള്ള ഈ പ്രവൃത്തികൾ ഉടൻ ആരംഭിക്കുമെന്ന്‌ എംഎൽഎ അറിയിച്ചു. Read on deshabhimani.com