തരിശുപാടത്ത് നൂറുമേനി
പനയാൽ പള്ളിക്കര പഞ്ചായത്തിലെ ബേക്കൽ ബീച്ച് മുതൽ ചേറ്റുകുണ്ട് വരെയുള്ള കടലോരത്തെ 25 ഏക്കർ തരിശുപാടത്ത് പനയാൽ സഹകരണ ബാങ്ക് ഇറക്കിയ നെൽകൃഷി വിളവെടുപ്പിൽ നൂറുമേനി. ആതിര, സുജാത നെൽവിത്തുകളാണ് ഉപയോഗിച്ചത്. ബാങ്ക് അംഗങ്ങളുടെയും ജീവനക്കാരുടെയും കൂട്ടായ പരിശ്രമത്തോടെ നടത്തിയ കൃഷിക്ക് പള്ളിക്കര കൃഷിഭവൻ സാങ്കേതിക പരിജ്ഞാനങ്ങളും ഉപദേശവും നൽകി. വിളവെടുപ്പ് ബാങ്ക് പ്രസിഡന്റ് പി മണിമോഹൻ ഉദ്ഘാടനംചെയ്തു. വൈസ് പ്രസിഡന്റ് കെ ഉണ്ണികൃഷ്ണൻ അധ്യക്ഷനായി. പള്ളിക്കര കൃഷി ഓഫീസർ ജലേശൻ, വി വി സുകുമാരൻ, എം നാരായണൻ നായർ, പി ദാമോദരൻ, കെ. ബാലകൃഷ്ണൻ എന്നിവർ സംസാരിച്ചു. ബാങ്ക് സെക്രട്ടറി എ കുഞ്ഞിക്കണ്ണൻ സ്വാഗതം പറഞ്ഞു. Read on deshabhimani.com