വീട്‌ കുത്തിത്തുറന്ന്‌ കവർച്ച
ഉപ്പള ഉപ്പളയിൽ വീട്‌ കുത്തിത്തുറന്ന്‌ ആറര പവർ സ്വർണവും 15,000 രൂപയും കവർന്നു. മണ്ണംകുഴി ഫിർദൗസ്‌ നഗറിലെ സലാല ഇബ്രാഹിമിന്റെ വീട്ടിലാണ്‌ കവർച്ച നടന്നത്‌. വ്യാഴാഴ്‌ച വീട്ടുകാർ ബന്ധുവീട്ടിൽ പോയിരുന്നു. ശനി രാവിലെ തിരിച്ചെത്തിയപ്പോഴാണ്‌ മോഷണ വിവരം അറിഞ്ഞത്‌. വീടിന്റെ മുൻവശത്തെ വാതിൽ തുറന്ന്‌ കിടന്ന നിലയിലായിരുന്നു. അലമാരയിലെ സാധനങ്ങളും വാരിവലിച്ചിട്ടിരുന്നു. പൊലീസും വിരലടയാള വിദഗ്ദരും സ്ഥലത്തെത്തി പരിശോധിച്ചു. എസ്‌ഐ അനൂബിന്റെ നേതൃത്വത്തിൽ അന്വേഷണം ആരംഭിച്ചു. Read on deshabhimani.com