സിപിഐ എം ദുരിതാശ്വാസ നിധി ശേഖരണത്തിന്‌ തുടക്കം
കാസർകോട് ‘വയനാടിനൊപ്പം' എന്ന സന്ദേശമുയർത്തി മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകാനായി ജനങ്ങളെ ആഹ്വാനംചെയ്യാൻ സിപിഐ എം നേതൃത്വത്തിൽ സ്ഥാപനങ്ങളിലും വീടുകളിലും സന്ദർശനം തുടങ്ങി. കാസർകോട് നഗരത്തിലെ കടകളിലും ജനങ്ങൾക്കിടയിലും നടത്തിയ പ്രവർത്തനത്തിന്‌ സംസ്ഥാന കമ്മിറ്റി അംഗം സി എച്ച്‌ കുഞ്ഞമ്പു എംഎൽഎ നേതൃത്വം നൽകി. ജില്ലാ സെക്രട്ടറിയറ്റ്‌ അംഗം എം സുമതി, ജില്ലാ കമ്മിറ്റി അംഗം ടി എം എ കരീം, ഏരിയാ സെക്രട്ടറി കെ എ മുഹമ്മദ് ഹനീഫ്, പി വി കുഞ്ഞമ്പു, സി വി കൃഷ്ണൻ എന്നിവരും പങ്കെടുത്തു. ജില്ലയിൽ സന്ദർശനം ഞായറാഴ്‌ചയും തുടരും. Read on deshabhimani.com