മണ്ണിടിച്ചിൽ മംഗളൂരു –- ബംഗളൂരു റൂട്ടിൽ ട്രെയിൻ ഗതാഗതം തടസ്സപ്പെട്ടു
മംഗളൂരു സകലേഷ്‌പുരിനടുത്ത് റെയിൽവേ പാളത്തിലേക്ക് വൻതോതിൽ മണ്ണിടിഞ്ഞ് മംഗളൂരു–- - ബംഗളൂരു റൂട്ടിൽ ഗതാഗതം താറുമാറായി. വെള്ളിയാഴ്ച ഉച്ചയോടെ സകലേഷ്‌പുർ–- -ബല്ലപേട്ട് റയിൽവേ സ്റ്റേഷനുകൾക്കിടയിൽ അച്ചങ്കി-ദൊഡ്ഡനഗരയ്ക്ക് സമീപമാണ്‌ വലിയ മണ്ണിടിച്ചിലുണ്ടായത്. ഒരാഴ്ചക്കിടെ ഇത് രണ്ടാം തവണയാണ് ഈ റൂട്ടിൽ മണ്ണിടിഞ്ഞ് ട്രെയിൻ ഗതാഗതം തടസ്സപ്പെടുന്നത്. രണ്ട് ദിവസം മുമ്പ് പുനരാരംഭിച്ച ട്രെയിൻ ഗതാഗതമാണ് വീണ്ടും തടസ്സപ്പെട്ടത്. വെള്ളിയാഴ്ചത്തെ ബംഗളൂരു–- -കണ്ണൂർ, കണ്ണൂർ –-- ബംഗളൂരു ട്രെയിനുകൾ ഷൊർണൂർ, ജോലാർപേട്ട വഴി തിരിച്ചുവിട്ടു .ബംഗളൂരു–- -മുരുഡേശ്വർ, മുരുഡേശ്വർ–-- ബംഗളൂരു, കാർവാർ–- -യശ്വന്ത്പുർ ട്രെയിനുകൾ പൂർണമായും റദ്ദുചെയ്തു. Read on deshabhimani.com