ബിജെപിക്ക്‌ തിരിച്ചടിയായത്‌ ദുർബലവിഭാഗങ്ങളുടെ പ്രതിരോധം: എ വിജയരാഘവൻ
കൊടക്കാട് (കാസർകോട്) ദുർബല ജനവിഭാഗങ്ങൾ കരുത്തോടെ ഇടപെട്ടതിനാലാണ്‌ ബിജെപിക്ക്‌ ഒറ്റയ്‌ക്ക്‌ പാർലമെന്റിൽ ഭൂരിപക്ഷം കിട്ടാതിരുന്നതെന്ന്‌ അഖിലേന്ത്യാ കർഷകത്തൊഴിലാളി യൂണിയൻ പ്രസിഡന്റ്‌ എ വിജയരാഘവൻ. കെഎസ്‌കെടിയു സംസ്ഥാന സമ്മേളനം കൊടക്കാട് കെ കുഞ്ഞിരാമൻ നഗറിൽ ഉദ്‌ഘാടനംചെയ്യുകയായിരുന്നു അദ്ദേഹം. യുപിയിലും മഹാരാഷ്ട്രയിലും അതീവ ദുർബലരുടെ പ്രതിരോധം ബിജെപിയെ തോൽപ്പിച്ചു. ആ ജനവിഭാഗത്തിന്റെ അഭിമാനാർഹമായ മുന്നേറ്റമാണിത്‌. പുതിയ കാലത്തിന്റെ പ്രശ്‌നം മനസ്സിലാക്കി പ്രവർത്തനശൈലിയും സംഘാടനവും പുനഃക്രമീകരിക്കണം. ഗ്രാമീണതലത്തിൽ പ്രക്ഷോഭം ഉയർത്തിക്കൊണ്ടുവരണം. കേരളത്തിലും ജാതി, മത വർഗീയത ഏറിവരുന്നു. പൊതുബോധ നിർമിതിയിലെ മാറ്റങ്ങളറിഞ്ഞ്‌ പ്രതിരോധിച്ചാലേ മുന്നേറാനാകൂവെന്നും വിജയരാഘവൻ പറഞ്ഞു. Read on deshabhimani.com