ഇലക്ട്രിക് പോസ്റ്റിൽ കുടുങ്ങിയ യുവാവിനെ സിപിഐ എം പ്രവർത്തകർ രക്ഷിച്ചു
കോതമംഗലം ഷോക്കേറ്റ് ഇലക്ട്രിക് പോസ്റ്റിൽ കുടുങ്ങിയ യുവാവിന് രക്ഷകരായി സിപിഐ എം പ്രവർത്തകർ. കോതമംഗലം ടൗണിൽ ആശുപത്രിക്കുസമീപം വ്യാഴം പകൽ ഒന്നിന് വൈദ്യുതത്തൂണിലെ വഴിവിളക്ക് അറ്റകുറ്റപ്പണി തീർക്കാനായി കയറിയ കൊല്ലം സ്വദേശി മനുവാണ്‌ (33) ഷോക്കേറ്റ് പോസ്റ്റിൽ കുടുങ്ങിയത്. സമീപത്തെ ഹോട്ടലിൽ ചായ കുടിക്കുകയായിരുന്ന സിപിഐ എം ടൗൺ ബ്രാഞ്ച് അംഗങ്ങളായ എ കെ പ്രസാദും വി എ റഷീദുംകൂടി വൈദ്യുതത്തൂണിൽ തൂങ്ങിക്കിടക്കുന്ന യുവാവിനെ പോസ്റ്റിൽ കയറി രക്ഷിച്ചു. താഴെയിറക്കിയ യുവാവിനെ ഇവർ ആശുപത്രിയിലെത്തിച്ചു. Read on deshabhimani.com