എം എം ലോറൻസിന്റെ വീട്‌ എം വി ഗോവിന്ദൻ സന്ദർശിച്ചു
കൊച്ചി അന്തരിച്ച മുതിർന്ന സിപിഐ എം നേതാവ്‌ എം എം ലോറൻസിന്റെ വീട്‌ സിപിഐ എം സംസ്ഥാന സെക്രട്ടറി എം വി ഗോവിന്ദൻ സന്ദർശിച്ചു. ഭാര്യ പി കെ ശ്യാമളയ്‌ക്കൊപ്പം വ്യാഴം പകൽ 12.15ഓടെയാണ്‌ അദ്ദേഹം എത്തിയത്‌. ലോറൻസിന്റെ മകൻ അഡ്വ. എം എൽ സജീവൻ, ഭാര്യ മേബിൾ മെൻഡസ്‌ എന്നിവരെ എം വി ഗോവിന്ദൻ അനുശോചനം അറിയിച്ചു. ചെറുപ്പംമുതൽ അടുത്തറിഞ്ഞ നേതാവായിരുന്നു എം എം ലോറൻസെന്ന് എം വി ഗോവിന്ദൻ പറഞ്ഞു. ലോറൻസിന്റെ മറ്റ്‌ ബന്ധുക്കളെയും അദ്ദേഹം ആശ്വസിപ്പിച്ചു. സിപിഐ എം ജില്ലാ സെക്രട്ടറി സി എൻ മോഹനനും ഒപ്പമുണ്ടായിരുന്നു. Read on deshabhimani.com