വാഴക്കുളം എട്ടാംവാർഡിൽ ഉപതെരഞ്ഞെടുപ്പ്‌ നാളെ
പെരുമ്പാവൂർ വാഴക്കുളം പഞ്ചായത്ത് മുടിക്കൽ എട്ടാംവാർഡ്‌ ഉപതെരഞ്ഞെടുപ്പിന്റെ പരസ്യപ്രചാരണം സമാപിച്ചു. ചൊവ്വ രാവിലെ ഏഴുമുതൽ വൈകിട്ട്‌ ആറുവരെ മുടിക്കൽ ഗവ. സ്കൂളിലും അസാസുൽ ഇസ്ലാം മദ്രസയിലുമായി രണ്ട് ബൂത്തുകളിലായാണ് വോട്ടെടുപ്പ്. 861 സ്ത്രീകളും 822 പുരുഷന്മാരും ഉൾപ്പെടെ 1683 വോട്ടർമാരുണ്ട്‌. എൽഡിഎഫ് സ്ഥാനാർഥി ടി എസ് അബിയുടെ പ്രചാരണത്തിന്റെ കലാശക്കൊട്ട് വാഴക്കുളം ബ്ലോക്ക് പഞ്ചായത്ത് പ്രസിഡന്റ്‌ കെ എം അൻവർ അലി ഉദ്ഘാടനം ചെയ്തു. സിപിഐ എം ഏരിയ സെക്രട്ടറി സി എം അബ്ദുൾ കരീം, മമ്മി സെഞ്ച്വറി, ജബ്ബാർ തച്ചയിൽ, കെ എം സിദ്ദിഖ്, സലീം വാണിയക്കാടൻ, എം എം അബ്ദുൾ സലാം, എം എ അബ്ദുൾ ഖാദർ എന്നിവർ സംസാരിച്ചു. Read on deshabhimani.com