എയ്ഡ്സ് ബാധിതർ സമൂഹത്തിൽ മാറ്റിനിർത്തപ്പെടേണ്ടവരല്ല: മന്ത്രി കെ എൻ ബാലഗോപാൽ
കൊട്ടാരക്കര എയ്ഡ്സ് ബാധിതരായവരെ സമൂഹത്തിന്റെ പുറമ്പോക്കിലേക്ക്‌ മാറ്റിനിർത്തരുതെന്നും അവരെ ചേർത്തുനിർത്തി മാനവിക ഐക്യത്തിന്റെ പുതുചരിത്രം രചിക്കണമെന്നും മന്ത്രി കെ എൻ ബാലഗോപാൽ പറഞ്ഞു. കൊട്ടാരക്കര ആശ്രയ സങ്കേതത്തിൽ എയ്ഡ്സ് ദിനാചരണം ഉദ്‌ഘാടനംചെയ്യുകയായിരുന്നു അദ്ദേഹം. ഇത്തരം മാരകരോഗങ്ങൾ വ്യാപിക്കാനുള്ള കാരണങ്ങൾ പലതാണ്‌. ഇതിനെതിരെ ശക്തമായ ബോധവൽക്കരണം ആവശ്യമാണ്‌. സർക്കാരിനൊപ്പം സന്നദ്ധസംഘടനകളും മുന്നിട്ടിറങ്ങുമ്പോഴാണ് സമൂലമായ മാറ്റം സംഭവിക്കുകയെന്നും -മന്ത്രി പറഞ്ഞു. ആശ്രയ ജനറൽ സെക്രട്ടറി കലയപുരം ജോസ് അധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്റ് ദിവ്യ ചന്ദ്രശേഖർ, പെരുംകുളം രാജീവ്, കെ ജി അലക്സാണ്ടർ, മിനി ജോസ്, ജുബിൻ സാം, എ ജി ശാന്തകുമാർ, അർച്ചന തുടങ്ങിയവർ സംസാരിച്ചു. കലയപുരം ജങ്ഷൻമുതൽ ആശ്രയ സങ്കേതംവരെ എയ്ഡ്സ് ദിനാചരണ റാലി സംഘടിപ്പിച്ചു. Read on deshabhimani.com