ഫയൽ അദാലത്ത് ഇന്ന്‌
കൊല്ലം പൊതുവിദ്യാഭ്യാസ വകുപ്പിന്റെ ദക്ഷിണമേഖല ഫയൽ അദാലത്ത് തിങ്കളാഴ്ച കൊല്ലം സെന്റ്‌ അലോഷ്യസ് ഹയർ സെക്കൻഡറി സ്കൂളിൽ നടക്കും. പൊതുവിദ്യാഭ്യാസ മന്ത്രി വി ശിവൻകുട്ടി അദാലത്ത് ഉദ്ഘാടനംചെയ്യും. ധനമന്ത്രി കെ എൻ ബാലഗോപാൽ അധ്യക്ഷനാകും. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിലെ സെക്കൻഡറി, ഹയർസെക്കൻഡറി, വൊക്കേഷണൽ ഹയർ സെക്കൻഡറി വിഭാഗങ്ങളിൽ 2023 ഡിസംബർ 31-വരെ ലഭിച്ചതും തീർപ്പാക്കാത്തതുമായ അപേക്ഷകളിന്മേലാണ് അദാലത്ത് സംഘടിപ്പിക്കുന്നത്. സെക്കൻഡറി വിഭാഗത്തിൽ തിരുവനന്തപുരം ജില്ലയിൽ 263 അപേക്ഷകളും കൊല്ലം–- 253, പത്തനംതിട്ട–- 161, ആലപ്പുഴ–- 117 അപേക്ഷകളുമാണ് അദാലത്തിനായി ലഭിച്ചിട്ടുള്ളത്‌. ഹയർസെക്കൻഡറി, വൊക്കേഷണൽ ഹയർ സെക്കൻഡറി വിഭാഗത്തിൽ തിരുവനന്തപുരം മേഖലയിൽ 132 അപേക്ഷകളും ചെങ്ങന്നൂർ മേഖലയിൽ 64 അപേക്ഷകളും ലഭിച്ചിട്ടുണ്ട്‌. കൊല്ലം ജില്ലയിലെ എംപിമാരും എംഎൽഎമാരും പങ്കെടുക്കുന്ന അദാലത്തിൽ പൊതുവിദ്യാഭ്യാസ പ്രിൻസിപ്പൽ സെക്രട്ടറി റാണി ജോർജ്, പൊതു വിദ്യാഭ്യാസ ഡയറക്ടർ എസ് ഷാനവാസ് എന്നിവരും പങ്കെടുക്കും. Read on deshabhimani.com