കട്ടൻ കാപ്പിയും കപ്പപ്പുഴുക്കും ഒസ്യത്തിൽ ഇല്ലാത്ത പൂവും
എഴുകോൺ കട്ടൻ കാപ്പിയും കപ്പപ്പുഴുക്കും കഴിച്ച് വീട്ടുമുറ്റത്ത് ഒത്തുചേർന്ന ഗ്രാമീണ കൂട്ടായ്മയുടെ പുസ്തകചർച്ചയും കാവ്യസന്ധ്യയും ശ്രദ്ധേയമായി. എഴുകോൺ സന്തോഷ് രചിച്ച 'ഒസ്യത്തിൽ ഇല്ലാത്ത പൂവ്' കവിതാ സമാഹാരം ചർച്ചയായി. ഇടയ്ക്കിടം മാമൂട് മംഗലത്ത് ലതികയുടെ വീട്ടുമുറ്റത്ത് കവി കുരീപ്പുഴ ശ്രീകുമാർ കാവ്യസന്ധ്യ ഉദ്ഘാടനംചെയ്തു. പുരോഗമന കലാ സാഹിത്യസംഘം നെടുവത്തൂർ ഏരിയ പ്രസിഡന്റ് സുരേന്ദ്രൻ കടയ്ക്കോട് അധ്യക്ഷനായി. എഴുകോൺ സന്തോഷ് സ്വാഗതം പറഞ്ഞു. കവി സജീവ് നെടുമൺകാവ് പുസ്തകചർച്ച നയിച്ചു. സിപിഐ എം കരീപ്ര നോർത്ത് ലോക്കൽ സെക്രട്ടറി എ അജയഘോഷ്, മാധ്യമപ്രവർത്തകൻ കോട്ടാത്തല ശ്രീകുമാർ, വിശ്വൻ കുടിക്കോട്, ആർ വരദരാജൻ, എഴുകോൺ ഗോപാലകൃഷ്ണൻ, അഖിൽ കൃഷ്ണൻ, ഓമന ശ്രീറാം, സി ബാബുരാജൻപിള്ള, മംഗലത്ത് ലതിക എന്നിവർ സംസാരിച്ചു. നന്ദിയും പറഞ്ഞു. Read on deshabhimani.com