ഡിവൈഎഫ്‌ഐ ജില്ലാ കമ്മിറ്റി ഒരു കോടി കൈമാറി
കോട്ടയം റീ ബിൽഡ്‌ വയനാടിനായി ഡിവൈഎഫ്‌ഐ ജില്ലാ കമ്മിറ്റി സ്വരൂപിച്ച 1,00,010,00 രൂപ സംസ്ഥാന പ്രസിഡന്റ്‌ വി വസീഫ്‌, സെക്രട്ടറി എം ഷാജിർ, കേന്ദ്ര സെക്രട്ടറിയറ്റംഗം ജെയ്‌ക്‌ സി തോമസ്‌ എന്നിവർ ചേർന്ന്‌ ഏറ്റുവാങ്ങി. ജില്ലാ പ്രസിഡന്റ്‌ അഡ്വ. ബി മഹേഷ്‌ ചന്ദ്രൻ, ജില്ലാ സെക്രട്ടറി ബി സുരേഷ്‌കുമാർ, ട്രഷറർ സതീഷ്‌ വർക്കി എന്നിവർ ചേർന്ന്‌ ഫണ്ട്‌ കൈമാറി. ആക്രിവിൽപന, മീൻകച്ചവടം, ബിരിയാണി ചലഞ്ച്‌, ചിക്കൻഫ്രൈ ചലഞ്ച്‌, പായസ ചലഞ്ച്‌, പലഹാരക്കട തുടങ്ങി നിരവധിപ്രവർത്തനങ്ങളിലൂടെ ജില്ലയിലെ ബ്ലോക്ക്‌, മേഖലാ കമ്മിറ്റികൾ വഴി സ്വരൂപിച്ചതാണ്‌ തുക. ഡിവൈഎഫ്‌ഐയുടെ റീബിൽഡ്‌ വയനാട്‌ ഭവന നിർമാണ പദ്ധതിയുമായി സഹകരിച്ച എല്ലാവരോടും ജില്ലാ കമ്മിറ്റി നന്ദി അറിയിച്ചു. Read on deshabhimani.com