12.5 കിലോ കഞ്ചാവുമായി യുവാവ്‌ അറസ്‌റ്റിൽ
ചങ്ങനാശേരി ചങ്ങനാശേരി റെയിൽവേ സ്റ്റേഷനു സമീപം 12.5 കിലോ കഞ്ചാവുമായി യുവാവ്‌ അറസ്‌റ്റിൽ. പെരുന്ന മംഗലാവ് പറമ്പിൽ ഷാരോൺ നജീബിനെയാണ് ചങ്ങനാശേരി എകസൈസ് സംഘം പിടികൂടിയത്. ആന്ധ്ര സ്വദേശികൾ ശനി രാത്രി എട്ടോടെ ട്രെയിനിൽ ചങ്ങനാശേരിയിൽ എത്തിച്ച കഞ്ചാവ് വാങ്ങി വീട്ടിലേക്ക് പോകുമ്പോഴാണ്‌ നജീബിനെ എക്സൈസ് പെട്രോളിങ് സംഘം പിടി കൂടിയത്‌. വിദ്യാർഥികൾക്കും യുവാക്കൾക്കും വിതരണം ചെയ്യാനാണ്‌ കഞ്ചാവ് എത്തിച്ചതെന്ന്‌ എക്സൈസ് ഉദ്യോഗസ്ഥർ പറഞ്ഞു. പിടിയിലായ ഷാരോൺ നജീബ്‌ നിരവധി ക്രിമിനൽക്കേസുകളിൽ പ്രതിയാണ്. ഇയാളെ തിരിച്ചറിഞ്ഞ ചങ്ങനാശേരി എക്സൈസ് ഇൻസ്‌പെക്ടർ ടി എസ് പ്രമോദിന്റെ നേതൃത്വത്തിലുള്ള സംഘമാണ്‌ അറസ്റ്റ്‌ ചെയ്‌തത്‌. അസി. ഇൻസ്‌പെക്ടർ ടി എസ് സുരേഷ് , ഗ്രേഡ് പ്രിവന്റീവ് ഓഫിസർ സന്തോഷ്, പ്രിവന്റീവ് ഓഫിസർ ആന്റണി മാത്യു, സിവിൽ എക്സൈസ് ഓഫിസർമാരായ രതീഷ് കെ നാണു, എ ജി പ്രവീൺ കുമാർ, ഷഫീഖ്, നിത്യാ മുരളി, പ്രിയ, ഡ്രൈവർ മനീഷ് എന്നിവരും സംഘത്തിലുണ്ടായി. Read on deshabhimani.com