റവന്യൂ ജില്ലാ സ്കൂൾ കായികമേള
പാലാ പുതിയ നേട്ടങ്ങൾ കൊയ്യാൻ, വാശിയോടെ വീണ്ടെടുക്കാൻ, വീറോടെ പൊരുതാൻ കളിക്കളമുണർന്നു. ഇനി മൈതാനത്തെ ത്രസിപ്പിക്കുന്ന കൗമാരകായിക മേളയുടെ ദിനങ്ങൾ. 21ാം റവന്യു ജില്ലാ കായികമേളക്ക് പാലാ മുനിസിപ്പൽ സ്റ്റേഡിയത്തിൽ പ്രൗഢോജ്വല തുടക്കം. വിദ്യാഭ്യാസ ജില്ലാ ഡെപ്യൂട്ടി ഡയറക്ടർ സുബിൻപോൾ പതാക ഉയർത്തിയതോടെയാണ് മത്സരങ്ങൾക്ക് തുടക്കമായത്. മാണി സി കാപ്പൻ എംഎൽഎ ഉദ്ഘാടനം ചെയ്തു. മുനിസിപ്പൽ ചെയർമാൻ ഷാജു വി തുരുത്തേൽ അധ്യക്ഷനായി. 25 വരെ നടക്കുന്ന മേളയിൽ 13 ഉപജില്ലകളിൽനിന്ന്‌ 2,200ൽപരം കുട്ടികളാണ്‌ പങ്കെടുക്കുന്നത്‌. മുനിസിപ്പൽ കൗൺസിലർമാരായ ബൈജു കൊല്ലംപറമ്പിൽ, ബിജി ജോജോ, പാലാ ഡിഇഒ പി സത്യപാലൻ, എഇഒ പി ഷൈല, സാജൻ അലക്സ്, എബി ചാക്കോ, പി എൻ വിജി, ബിജു ആന്റണി, ജോബി വർഗീസ് കുളത്തറ എന്നിവർ സംസാരിച്ചു. Read on deshabhimani.com