ഉജ്വല മാർച്ചോടെ കോട്ടയം ഏരിയ സമ്മേളനത്തിന് സമാപനം
കോട്ടയം പാതയോരങ്ങളെ ചുവപ്പിച്ച്‌ നടന്ന ഉജ്വലമായ ചുവപ്പുസേനാ മാർച്ചോടെയും ബഹുജന റാലിയോടെയും സിപിഐ എം കോട്ടയം ഏരിയ സമ്മേളനം സമാപിച്ചു. ചുവപ്പുസേനാ മാർച്ചും റാലിയും തിരുവാതുക്കൽ ജങ്‌ഷനിൽ ആരംഭിച്ചു. വാദ്യമേളങ്ങളുമായി നീങ്ങിയ മാർച്ച്‌ ആവേശം വിതറി സീതാറാം യെച്ചൂരി നഗറിൽ(ഇല്ലിക്കൽ മുനിസിപ്പൽ മൈതാനം) സമാപിച്ചു. പതിനൊന്ന്‌ പ്ലാറ്റൂണുകളിലായി 300ലധികം ചുവപ്പുസേനാംഗങ്ങൾ അണിനിരന്നു. ആർ ശെൽവരാജ്‌ ആയിരുന്നു ക്യാപ്‌റ്റൻ. സംസ്ഥാന സെക്രട്ടറിയറ്റംഗം മന്ത്രി വി എൻ വാസവൻ സല്യൂട്ട്‌ സ്വീകരിച്ചു. തുടർന്ന്‌ ചേർന്ന പൊതുസമ്മേളനം സിപിഐ എം സംസ്ഥാന സെക്രട്ടറിയറ്റംഗം എം സ്വരാജ് ഉദ്‌ഘാടനം ചെയ്‌തു. ഏരിയ സെക്രട്ടറി ബി ശശികുമാർ അധ്യക്ഷനായി. മന്ത്രി വി എൻ വാസവൻ മുഖ്യപ്രഭാഷണം നടത്തി. ജില്ലാ സെക്രട്ടറി എ വി റസൽ, സംസ്ഥാന കമ്മിറ്റിയംഗം അഡ്വ. കെ അനിൽകുമാർ, ജില്ലാ സെക്രട്ടറിയറ്റംഗം അഡ്വ. കെ സുരേഷ്‌കുറുപ്പ്, ജില്ലാ കമ്മിറ്റിയംഗങ്ങളായ സി എൻ സത്യനേശൻ, ബി ആനന്ദക്കുട്ടൻ, കെ വി ബിന്ദു, കെ ആർ അജയ്, ഏരിയ കമ്മിറ്റിയംഗങ്ങളായ അഡ്വ. ഷീജ അനിൽ, പി ജെ വർഗീസ് എന്നിവർ പങ്കെടുത്തു. എം കെ പ്രഭാകരൻ സ്വാഗതവും ആർ അഭിലാഷ് നന്ദിയും പറഞ്ഞു. വിവിധ മത്സരങ്ങളിലെ വിജയികൾക്ക് മന്ത്രി വി എൻ വാസവൻ ഉപഹാരം നൽകി. Read on deshabhimani.com