കെജിഒഎ ജില്ലാ കായികമേള; ഏറ്റുമാനൂരിന് ഓവറോൾ കിരീടം
കോട്ടയം കേരള ഗസറ്റഡ് ഓഫീസേഴ്സ് അസോസിയേഷൻ ജില്ലാ കായികമേളയിൽ ഓവറോൾ കിരീടം ഏറ്റുമാനൂർ ഏരിയ കരസ്ഥമാക്കി. പാമ്പാടി ഏരിയ റണ്ണറപ്പായി. കോട്ടയം ടൗൺ ഏരിയ മൂന്നാംസ്ഥാനത്തെത്തി. എം ടി സെമിനാരി സ്‌കൂളിൽ നടന്ന കായികമേള സംസ്ഥാന സ്‌കൂൾ കായികമേളയിലെ 100 മീറ്ററിലെ മീറ്റ് റെക്കോഡ് ജേതാവ് അഭിരാം കെ ബിനു ഉദ്ഘാടനംചെയ്തു. ജില്ലാ പ്രസിഡന്റ്‌ കെ ടി സാജുമോൻ അധ്യക്ഷനായി. സംസ്ഥാന സെക്രട്ടറിയറ്റംഗം കെ പ്രവീൺ, സംസ്ഥാന കമ്മിറ്റിയംഗങ്ങളായ മുഹമ്മദ് ഷെരീഫ്, ഡോ. ഷേർലി ദിവന്നി, ജില്ലാ സെക്രട്ടറി ഷാജിമോൻ ജോർജ്, വനിത കൺവീനർ കെ ആർ ഷേർലി, വൈസ് പ്രസിഡന്റ്‌ ഡോ. എൻ ജിനേഷ്, കെ ആർ രാജീവ്, ഒ ആർ പ്രദീപ്കുമാർ, ജില്ലാ ട്രഷറർ ടി എസ് അജിമോൻ എന്നിവർ സംസാരിച്ചു. കെജിഒഎ സംസ്ഥാന പ്രസിഡന്റ്‌ ഡോ. എസ് ആർ മോഹനചന്ദ്രൻ സമ്മാനവിതരണം നടത്തി. Read on deshabhimani.com