21 മത്സ്യത്തൊഴിലാളികളെ രക്ഷപ്പെടുത്തി
കൊയിലാണ്ടി കൊയിലാണ്ടി ഹാർബറിൽനിന്ന്‌ മീൻപിടിത്തത്തിന്‌ പോയ വഞ്ചിയിൽ വെള്ളം കയറി. വഞ്ചിയും അതിലുണ്ടായിരുന്ന 21 മത്സ്യത്തൊഴിലാളികളെയും രക്ഷപ്പെടുത്തി. ചൊവ്വ പുലർച്ചെ അഞ്ചിന്‌ ഹാർബറിൽനിന്ന്‌ പുറപ്പെട്ട ഓംകാരനാഥൻ വഞ്ചിയിലാണ്‌ വെള്ളം കയറിയത്‌. വഞ്ചിയിൽ വെള്ളം കയറുന്നെന്ന്‌ വിവരം ലഭിച്ചയുടൻ ഹാർബറിൽനിന്ന്‌ പുറപ്പെട്ട എസ്‌സിപിഒ മനു തോമസ്, റെസ്ക്യു ഗാർഡുമാരായ കെ വി മിഥുൻ, കെ ഹമിലേഷ്, കോസ്റ്റൽ പൊലീസ് സിപിഒ ഗിഫ്റ്റ്സൺ, കോസ്റ്റൽ വാർഡൻ പി കെ ദിബീഷ് എന്നിവരാണ്‌ രക്ഷാപ്രവർത്തനം നടത്തിയത്‌. Read on deshabhimani.com