വയനാടിന്‌ കോഴിക്കോട് കോർപറേഷന്റെ 3 കോടി
കോഴിക്കോട് > വയനാടിന്റെ പുനരധിവാസ പ്രവർത്തനങ്ങൾക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് കോഴിക്കോട് കോർപറേഷൻ മൂന്ന് കോടി രൂപ നൽകി. മുഖ്യമന്ത്രി പിണറായി വിജയന് മേയർ ബീനാ ഫിലിപ്പ് ചെക്ക് കൈമാറി. മന്ത്രിമാരായ എം ബി രാജേഷ്, പി എ മുഹമ്മദ് റിയാസ്, മുൻ എംഎൽഎ എ പ്രദീപ്‌കുമാർ എന്നിവരുമുണ്ടായി. ഡെപ്യൂട്ടി മേയർ സി പി മുസാഫർ അഹമ്മദ്, കോർപറേഷൻ സ്ഥിരംസമിതി അധ്യക്ഷരായ പി ദിവാകരൻ, പി കെ നാസർ, കൗൺസിലർമാരായ കെ സി ശോഭിത, കെ മൊയ്തീൻ കോയ, ടി റനീഷ്, കോർപറേഷൻ സെക്രട്ടറി കെ യു ബിനി, കൗൺസിൽ സെക്രട്ടറി എം വി റംസി ഇസ്മായിൽ എന്നിവർ ചേർന്നാണ്‌ തുക കൈമാറിയത്‌. Read on deshabhimani.com