ഒറ്റ നമ്പർ ലോട്ടറി: ഒരാൾ അറസ്‌റ്റിൽ
കോഴിക്കോട്‌ ചക്കുംകടവിൽ ഒറ്റനമ്പർ ലോട്ടറി കച്ചവടം നടത്തിയ മുസ്തഫ കപ്പക്കൽ (58) പൊലീസ്‌ പിടിയിൽ. കേരള ലോട്ടറിയുടെ അവസാനത്തെ മൂന്നക്കങ്ങൾ എഴുതി ടിക്കറ്റ്‌ വിറ്റ്‌ സമ്മാനാർഹമാണെങ്കിൽ 5000 രൂപവരെ കൊടുക്കുന്ന സമാന്തര ലോട്ടറി രീതിയാണിത്‌. ഇയാൾ മുമ്പും ഈ കുറ്റത്തിന് ജയിൽ ശിക്ഷ അനുഭവിച്ചിട്ടുണ്ട്‌. പന്നിയങ്കര എസ്‌ഐ കിരൺ ശശിധരൻ, എഎസ്‌ഐ ബാബു, സീനിയർ സിവിൽ പൊലീസ്‌ ഓഫീസർ ജയകൃഷ്ണൻ, ടി രതീഷ്, സിപിഒ ദിലീപ് എന്നിവരടങ്ങിയ സംഘമാണ് പിടിച്ചത്‌. Read on deshabhimani.com