വ്യാജവാർത്തകൾക്കെതിരെ പ്രതിഷേധ സായാഹ്നം
കോഴിക്കോട്‌ വയനാട് ചൂരൽമല ദുരന്തബാധിതർക്ക് ലഭിക്കേണ്ട കേന്ദ്രസഹായം ഇല്ലാതാക്കാനും പുനരധിവാസ പ്രവർത്തനങ്ങൾക്ക് തുരങ്കംവയ്‌ക്കാനും വ്യാജ വാർത്തകൾ സൃഷ്ടിക്കുന്ന മാധ്യമ നിലപാടിനെതിരെ ഡിവൈഎഫ്ഐ ജില്ലാ കമ്മിറ്റി നേതൃത്വത്തിൽ പ്രതിഷേധ സായാഹ്നം സംഘടിപ്പിച്ചു. മുതലക്കുളത്ത്‌ സംഘടിപ്പിച്ച പരിപാടി സംസ്ഥാന പ്രസിഡന്റ്‌ വി വസീഫ് ഉദ്ഘാടനംചെയ്തു. ജില്ലാ പ്രസിഡന്റ്‌ എൽ ജി ലിജീഷ് അധ്യക്ഷനായി. സംസ്ഥാന കമ്മിറ്റി അംഗങ്ങളായ കെ അരുൺ, ദിപു പ്രേംനാഥ്, കെ എം നിനു എന്നിവർ സംസാരിച്ചു. ജില്ലാ സെക്രട്ടറി പി സി ഷൈജു സ്വാഗതവും ജില്ലാ സെക്രട്ടറിയറ്റ് അംഗം ആർ ഷാജി നന്ദിയും പറഞ്ഞു. Read on deshabhimani.com