നിർത്തിയിട്ട ലോറിക്ക് പിറകിൽ പിക്കപ്പ് വാനിടിച്ചു
പയ്യോളി ദേശീയപാതയിൽ ഇരിങ്ങൽ മങ്ങൂൽ പാറയ്ക്ക് സമീപം നിർത്തിയിട്ട ലോറിക്ക് പിറകിൽ പിക്കപ്പ് വാനിടിച്ചു. ഡ്രൈവർ കൊയിലാണ്ടി അരങ്ങാടത്ത് ഷുഹൈലിന്‌ പരിക്കേറ്റു. ശനി പകൽ 2.30നാണ് അപകടം. വടകര ഭാഗത്തേക്ക് ബേക്കറി സാധനങ്ങളുമായി പോകുകയായിരുന്ന എയ്സ് പിക്കപ്പ് വാനാണ് അപകടത്തിൽപ്പെട്ടത്. ഇടിയുടെ ആഘാതത്തിൽ ക്യാബിനകത്ത് കുടുങ്ങിപ്പോയ ഡ്രൈവറെ വടകരയിൽനിന്ന്‌ എത്തിയ അഗ്നിരക്ഷാസേനയാണ് പുറത്തെടുത്തത്. ഇദ്ദേഹത്തെ ആശുപത്രിയിൽ പ്രവേശിപ്പിച്ചു. നാട്ടുകാരും രക്ഷാപ്രവർത്തനത്തിലേർപ്പെട്ടു. Read on deshabhimani.com