റേഷൻ വ്യാപാരികളുടെ പ്രതിഷേധ ധർണ
കോഴിക്കോട് വിവിധ ആവശ്യങ്ങളുയർത്തി കലക്ടറേറ്റിന് മുമ്പിൽ റേഷൻ വ്യാപാര സംഘടനകളായ ഓൾ കേരള റീട്ടെയിൽ റേഷൻ ഡീലേഴ്സ് അസോസിയേഷൻ, കെആർയു (-സിഐടിയു) സംഘടനകൾ ചേർന്ന്‌ പ്രതിഷേധ ധർണ നടത്തി. സെപ്‌തംബർ, ഒക്ടോബർ മാസങ്ങളിലെ കമീഷൻ നൽകുക, റേഷൻ വിതരണ സ്തംഭനം ഒഴിവാക്കുക, കിറ്റ് കമീഷൻ പൂർണമായും ലഭ്യമാക്കുക, വേതന പാക്കേജ് പരിഷ്കരിക്കുക എന്നീ ആവശ്യങ്ങൾ ഉന്നയിച്ചായിരുന്നു ധർണ. ഓൾ കേരള റീടടെയിൽ റേഷൻ ഡീലേഴ്സ് അസോസിയേഷൻ സംസ്ഥാന ജനറൽ സെക്രട്ടറി ടി മുഹമ്മദലി ഉദ്ഘാടനംചെയ്തു. കെആർയു(സിഐടിയു )സംസ്ഥാന വൈസ് പ്രസിഡന്റ്‌ കെ പി എം മൊയ്തീൻ കോയ അധ്യക്ഷനായി. ഹരി മുക്കം, എം പി സുനിൽകുമാർ, എം എ നസീർ, ഇ ശ്രീജൻ എന്നിവർ സംസാരിച്ചു. താമരശേരിയിൽ പി അരവിന്ദാക്ഷനും ധർണ ഉദ്‌ഘാടനം ചെയ്‌തു. Read on deshabhimani.com