ഭിന്നശേഷിക്കാർക്കൊപ്പം ലോക സമാധാനദിനാഘോഷം
കടലുണ്ടി ലോക സമാധാന ദിനാചരണ ഭാഗമായി ഭിന്നശേഷിക്കാരായ കുട്ടികളുടെ പഠന–-പരിശീലന കേന്ദ്രമായ ഹോപ്പ്‌ ഷോറിൽ ഫാറൂഖ് ട്രെയ്നിങ് കോളേജ് എൻഎസ്എസ് വളന്റിയർമാരുമൊന്നിച്ച് വിവിധ പരിപാടികൾ സംഘടിപ്പിച്ചു. ‘സിറാജ്’ ന്യൂസ് എഡിറ്റർ മുസ്തഫ പി എറയ്ക്കൽ ‘മാനവികതയുടെ വർത്തമാനം’ പ്രഭാഷണം നടത്തി. ഹോപ്പ്‌ ഷോർ മാനേജിങ് ഡയറക്ടർ നജുമുൽ മേലത്ത് അധ്യക്ഷനായി. ജനകീയ കർഷകനും ഉത്തരവാദിത്വ ടൂറിസത്തിന്റെ പ്രചാരകനുമായ കെ സി ദാസിനെ ആദരിച്ചു. വിനു കടക്കാട്ട് ഉപഹാരം നൽകി. പി വി ഷംസുദ്ദീൻ, എൻഎസ്എസ് ജില്ലാ കോ- ഓർഡിനേറ്റർ ഡോ.ഫസീൽ അഹമ്മദ് എന്നിവർ സംസാരിച്ചു. എൻഎസ്എസ് വളന്റിയർമാർ രക്ഷിതാക്കൾക്കും വിദ്യാർഥികൾക്കുമായി കലാപരിപാടികൾ സംഘടിപ്പിച്ചു. വളന്റിയർ എ ആമിന സ്വാഗതവും എം എ നജാത് നന്ദിയും പറഞ്ഞു. ശുചീകരണവും നടന്നു. Read on deshabhimani.com