സിഐടിയു സംസ്ഥാന അറിവുത്സവം ഇന്ന് തുടങ്ങും
കോഴിക്കോട് സിഐടിയു സംസ്ഥാന അറിവുത്സവം ശനി, ഞായർ ദിവസങ്ങളിൽ കോഴിക്കോട് നടക്കും. ശനി പകൽ 11 -ന് നടക്കാവ്‌ ജിവിഎച്ച്‌എസ്‌എസിൽ സിഐടിയു സംസ്ഥാന പ്രസിഡന്റ്‌ ടി പി രാമകൃഷ്ണൻ ഉദ്ഘാടനംചെയ്യും. ചലച്ചിത്ര ഗാനം, കഥ, ലേഖനം, കവിത, മുദ്രാവാക്യം, പോസ്റ്റർ, പ്രസംഗ വിഭാഗങ്ങളിൽ മത്സരം നടക്കും. ഞായർ രാവിലെ ഒമ്പതരക്ക്‌ തളി മുഹമ്മദ് അബ്ദുറഹ്മാൻ സാഹിബ് മെമ്മോറിയൽ ജൂബിലി ഹാളിൽ തൊഴിലാളി ജീനിയസിനെ കണ്ടെത്തൽ മത്സരം പ്രശസ്‌ത ക്വിസ്‌ മാസ്‌റ്റർ ജി എസ് പ്രദീപ്‌ നയിക്കും. വൈകിട്ട് അഞ്ചിനാണ് ഫൈനൽ. പകൽ മൂന്നിന് നടക്കുന്ന സെമിനാറിൽ സുനിൽ പി ഇളയിടം, വി കെ ശ്രീരാമൻ എന്നിവർ സംസാരിക്കും. Read on deshabhimani.com