അപവാദപ്രചാരണത്തിനെതിരെ പ്രതിഷേധം
കോഴിക്കോട് പി വി അൻവർ എംഎൽഎ മുഖ്യമന്ത്രിക്കും സിപിഐ എമ്മിനുമെതിരെ നടത്തുന്ന അപവാദപ്രചാരണത്തിൽ നാടെങ്ങും പ്രതിഷേധം. സിപിഐ എം നേതൃത്വത്തിൽ വിവിധ കേന്ദ്രങ്ങളിൽ പ്രതിഷേധ പ്രകടനം നടത്തി. നഗരത്തിൽ മുതലക്കുളത്ത് നിന്നാരംഭിച്ച പ്രകടനം പുതിയ ബസ്‌സ്റ്റാൻഡ് പരിസരത്ത് സമാപിച്ചു. നൂറുകണക്കിനാളുകൾ പങ്കെടുത്തു. ഇടതുമുന്നണിയെ വഞ്ചിച്ച് സിപിഐ എമ്മിനെതിരെ നുണ പ്രചരിപ്പിക്കുന്ന അന്‍വറിന്റെ കോലം പ്രവര്‍ത്തകര്‍ കത്തിച്ചു. പൊതുയോഗത്തിൽ സിപിഐ എം ജില്ലാ സെക്രട്ടറി പി മോഹനൻ, സംസ്ഥാന കമ്മിറ്റി അംഗങ്ങളായ എ പ്രദീപ് കുമാർ, കെ കെ ലതിക, ജില്ലാ കമ്മിറ്റി അംഗം കെ ദാമോദരന്‍ എന്നിവർ സംസാരിച്ചു. Read on deshabhimani.com