തുഞ്ചൻ വിദ്യാരംഭം കലോത്സവത്തിന് തിരിതെളിഞ്ഞു
തിരൂർ ഭാഷാപിതാവിന്റെ മണ്ണിൽ ഇനി കലയുടെയും സംഗീതത്തിന്റെയും നാളുകൾ. തുഞ്ചൻ വിദ്യാരംഭത്തിന്റെ മുന്നോടിയായുള്ള ഒമ്പതുദിവസത്തെ തുഞ്ചൻ വിദ്യാരംഭം കലോത്സവത്തിന് തുഞ്ചൻപറമ്പിൽ തിരിതെളിഞ്ഞു. സംവിധായകൻ രോഹിത് എം ജി കൃഷ്ണൻ ഉദ്ഘാടനംചെയ്തു. കലയും സാഹിത്യവും അനീതിക്കെതിരെയുള്ള പ്രതിരോധമാണെന്ന് രോഹിത് പറഞ്ഞു. തുഞ്ചൻ സ്മാരക ട്രസ്റ്റ് സെക്രട്ടറി പി നന്ദകുമാർ എംഎൽഎ അധ്യക്ഷനായി. ട്രസ്റ്റ് അംഗങ്ങളായ ആലങ്കോട് ലീലാകൃഷ്ണൻ സ്വാഗതവും പി കൃഷ്ണൻകുട്ടി നന്ദിയും പറഞ്ഞു. തുടർന്ന് ഗായത്രി ആർ ആൻഡ്‌ ചിൻമയ് നാരായണന്റെ സോപാനസംഗീതവും വി പി അനന്യയുടെയും സംഘത്തിന്റെയും ഭരതനാട്യവും തിരുവേഗപ്പുറ അനശ്വര സംഘത്തിന്റെ തിരുവാതിരകളിയും അരങ്ങേറി. 13വരെ ദിവസവും വൈകിട്ട് വിവിധ കലാപരിപാടികൾ അരങ്ങേറും. Read on deshabhimani.com