പാലക്കാടും തിരുവനന്തപുരവും ജേതാക്കൾ
കൊണ്ടോട്ടി സംസ്ഥാന മിനി ഖൊ ഖൊ ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിൽ പാലക്കാടും പെൺകുട്ടികളുടെ വിഭാഗത്തിൽ തിരുവനന്തപുരവും ജേതാക്കൾ. ആൺകുട്ടികളുടെ വിഭാഗത്തിൽ തിരുവനന്തപുരം രണ്ടും കോഴിക്കോട്‌ മൂന്നാം സ്ഥാനവും നേടി. പെൺകുട്ടികളുടെ വിഭാഗത്തിൽ തൃശൂരിന്‌ രണ്ടും പാലക്കാടിന്‌ മൂന്നാം സ്ഥാനവുമാണ്‌. ആൺകുട്ടികളുടെ വിഭാഗത്തിൽ പാലക്കാട്‌ കഞ്ചിക്കോട് കേന്ദ്ര വിദ്യാലയത്തിലെ അദ്വൈതാണ്‌ മികച്ച കായികതാരവും ചെയ്‌സറും. പെൺകുട്ടികളുടെ വിഭാഗത്തിൽ തിരുവനന്തപുരം തോന്നക്കൽ ജിഎച്ച്എസ്എസിലെ അനുഷ്‌കയെ മികച്ച കായിക താരമായും ശ്രീലക്ഷ്മിയെ മികച്ച ചെയ്സറായും തെരഞ്ഞെടുത്തു. രാമനാട്ടുകര ഹയർ സെക്കൻഡറി സ്‌കൂൾ ഗ്രൗണ്ടിൽ നടന്ന മത്സരത്തിന്റെ സമാപന സമ്മേളനം ചെറുകാവ് പഞ്ചായത്ത് പ്രസിഡന്റ്‌ പി കെ അബ്ദുള്ളക്കോയ ഉദ്‌ഘാടനംചെയ്‌തു. ജേതാക്കൾക്കുള്ള ട്രോഫിയും മെഡലുകളും നൽകി. വാർഡ് മെമ്പർ വി പി ഷീബ അധ്യക്ഷയായി. Read on deshabhimani.com