സിപിഐ എം ജില്ലാ സമ്മേളനത്തിന് സ്വാഗതസംഘമായി
താനൂർ സിപിഐ എം 24-ാം പാർടി കോൺഗ്രസിന് മുന്നോടിയായുള്ള ജില്ലാ സമ്മേളനം വിജയിപ്പിക്കുന്നതിനായി 1001 അംഗ സ്വാഗതസംഘം രൂപീകരിച്ചു. ഡിസംബര്‍ 30, 31, ജനുവരി ഒന്ന് തീയതികളില്‍ താനൂരിലാണ് ജില്ലാ സമ്മേളനം. സ്വാഗതസംഘ രൂപീകരണ യോഗം താനൂർ ജങ്ഷനുസമീപം പൊളിറ്റ്ബ്യൂറോ അംഗം എ വിജയരാഘവൻ ഉദ്ഘാടനംചെയ്തു. ജില്ലാ സെക്രട്ടറി ഇ എൻ മോഹൻദാസ് അധ്യക്ഷനായി. മന്ത്രി വി അബ്ദുറഹ്മാൻ മുഖ്യപ്രഭാഷണം നടത്തി. ജില്ലാ സെക്രട്ടറിയറ്റംഗം വി പി അനിൽ, ജില്ലാ കമ്മിറ്റിയംഗങ്ങളായ അഡ്വ. പി ഹംസക്കുട്ടി, വി പി സോമസുന്ദരൻ, തിരൂരങ്ങാടി ഏരിയാ സെക്രട്ടറി തയ്യിൽ അലവി, എൽഡിഎഫ് മണ്ഡലം കൺവീനർ ഒ സുരേഷ് ബാബു, സി ഉസ്മാൻ ഹാജി, കെ മൊയ്തീൻകുട്ടി ഹാജി, പി കെ മുഹമ്മദ്കുട്ടി എന്നിവർ സംസാരിച്ചു. ജില്ലാ സെക്രട്ടറിയറ്റംഗം ഇ ജയൻ സ്വാഗതവും ഏരിയാ സെക്രട്ടറി സമദ് താനാളൂർ നന്ദിയും പറഞ്ഞു. വി അബ്ദുറഹ്മാൻ ചെയർമാനും ഇ ജയൻ ജനറൽ കൺവീനറും സമദ് താനാളൂർ ട്രഷററുമായ സ്വാഗതസംഘമാണ് രൂപീകരിച്ചത്. സബ്കമ്മിറ്റികൾ: ഫിനാൻസ്–- ഉസ്മാൻ ഹാജി (ചെയർമാൻ), സമദ് താനാളൂർ (കൺവീനർ). പ്രചാരണം– വി അബ്ദുറസാഖ് (ചെയർമാൻ), എം അനിൽകുമാർ (കൺവീനർ). സുവനീർ– സി മോഹനൻ (ചെയർമാൻ), അഡ്വ. രാജേഷ് പുതുക്കാട് (കൺവീനർ). ഭക്ഷണം–- പി പി സൈതലവി (ചെയർമാൻ), കെ ടി ശശി (കൺവീനർ). അക്കൊമഡേഷൻ– കെ വി സിദ്ദിഖ് (ചെയർമാൻ), പി വിനേശൻ (കൺവീനർ). വളന്റിയർ– പി രാജേഷ് (ചെയർമാൻ), വി വിശാഖ് (കൺവീനർ). കലാപരിപാടി– സി പി അശോകൻ (ചെയർമാൻ), പി സതീശൻ (കൺവീനർ). സ്റ്റേജ് ആൻഡ് സൗണ്ട്– അഷ്‌കർ കോറാട് (ചെയർമാൻ), കെ വിവേകാനന്ദൻ (കൺവീനർ). നവമാധ്യമം/ മീഡിയ–- എൻ ആദിൽ (ചെയർമാൻ), കെ സനദ് (കൺവീനർ). സ്വീകരണം– കെ എം മല്ലിക (ചെയർമാൻ), ഇ സീനത്ത് (കൺവീനർ). ഗതാഗതം–- പി അജയ്കുമാർ (ചെയർമാൻ), കെ വി എ കാദർ (കൺവീനർ). Read on deshabhimani.com