ഘോഷയാത്രക്കിടെ ആർഎസ്എസ് അക്രമം; ബൈക്ക് യാത്രികരെ മർദിച്ചു
താനൂർ ഒഴൂരിൽ ശ്രീകൃഷ്‌ണ ജയന്തി ഘോഷയാത്രക്കിടെ ബൈക്കിലെത്തിയ യുവാക്കളെ ആർഎസ്എസ് സംഘം മർദിച്ചു. ഹാജിപ്പടി പൊടിയേങ്ങൽ അബ്ദുറഹീം (22), പുന്നക്കൽ മുബഷീർ (23) എന്നിവരെയാണ്‌ ആക്രമിച്ചത്‌. സംഭവത്തിൽ ആർഎസ്എസുകാരായ പുൽപ്പറമ്പ് ഉഴുത്തേടത്ത് ചന്ദ്രൻ(52), പുളിയേരി രജീഷ്(38) എന്നിവർ അറസ്റ്റിലായി. മറ്റ് മൂന്നുപേർ കസ്റ്റഡിയിലാണ്. തിങ്കൾ വൈകിട്ട് ആറോടെയാണ്‌ സംഭവം. ഘോഷയാത്ര എത്തിയപ്പോൾ ബൈക്ക് ഒതുക്കിനിർത്താൻ പറഞ്ഞു. ബൈക്ക് ഓരത്തേക്ക് മാറ്റുന്നതിനിടെ മർദിക്കുകയായിരുന്നു. അബ്ദുറഹീമിനെ വലിച്ചിഴച്ച് സമീപത്തെ മതിലിൽ ചേർത്ത് ഇടിച്ചു. പിന്നീട് സംഘമായെത്തി മർദിച്ച് അവശനാക്കി. ഇരുവരെയും തിരൂർ ജില്ലാ ആശുപത്രിയിൽ പ്രവേശിപ്പിച്ചു. Read on deshabhimani.com