ഡിവൈഎഫ്ഐ സ്ഥാപിത ദിനമാചരിച്ചു
പാലക്കാട്‌ ഡിവൈഎഫ്ഐ സ്ഥാപിത ദിനം ജില്ലാ കമ്മിറ്റിയുടെ നേതൃത്വത്തിൽ ആചരിച്ചു. ജില്ലാ ആശുപത്രിയിൽ സംഘടിപ്പിച്ച പരിപാടിയിൽ രോഗികൾക്കും കൂട്ടിരിപ്പുകാർക്കും തൃത്താല ബ്ലോക്കിലെ ഞാങ്ങാട്ടിരി മേഖലാ കമ്മിറ്റി ഹൃദയപൂർവം പൊതിച്ചോറിനൊപ്പം മധുര വിതരണവും നടത്തി. പാലക്കാട്‌ നിയമസഭാ മണ്ഡലം എൽഡിഎഫ്‌ സ്വതന്ത്രസ്ഥാനാർഥി ഡോ. പി സരിൻ, ഡിവൈഎഫ്ഐ അഖിലേന്ത്യ പ്രസിഡന്റ് എ എ റഹീം, സംസ്ഥാന പ്രസിഡന്റ് വി വസീഫ് എന്നിവർചേർന്ന്‌ കേക്ക് മുറിച്ചു. ജില്ലാ സെക്രട്ടറി കെ സി റിയാസുദ്ദീൻ, പ്രസിഡന്റ് ആർ ജയദേവൻ, സംസ്ഥാന കമ്മിറ്റി അംഗം ഷിബി കൃഷ്ണ, ജില്ലാ സെക്രട്ടറിയറ്റ് അംഗങ്ങളായ ടി പി ഷഫീക്ക്, എം എ ജിതിൻരാജ് എന്നിവർ സംസാരിച്ചു. Read on deshabhimani.com