ബിഹാറിൽനിന്ന്‌ കേരളത്തിലേക്കൊരു ലോങ് ജമ്പ്‌
പാലക്കാട്‌ ‘മലയാളം പറയാൻ അറിയില്ല’ മുറിയൻ മലയാളത്തിലാണ്‌ ഇർഷാദ് അത്‌ പറഞ്ഞൊപ്പിച്ചത്‌. പന്ത്രണ്ടുവയസ്സിൽ താഴെയുള്ള ആൺകുട്ടികളുടെ ലോങ് ജമ്പ്‌, ഷോട്ട്‌ പുട്ട്‌ വിഭാഗത്തിലെ ഒന്നാം സ്ഥാനക്കാരനാണ്‌ ബിഹാർ സ്വദേശിയായ ഇർഷാദ് അൻസാരി. 2023ലും ഇതേ വിഭാഗത്തിൽ ജേതാവായിരുന്നു. മൗണ്ട്‌ സീനാ പബ്ലിക് സ്‌കൂളിലെ ആറാം ക്ലാസ്‌ വിദ്യാർഥിയാണ്‌. കേരളത്തിൽ എത്തിയിട്ട്‌ മൂന്നുവർഷമായി. മലയാളം കേൾക്കുമ്പോൾ മനസിലാകും, എഴുതാൻ വശമില്ല എന്നായിരുന്നു ഇർഷാദിന്റെ സുഹൃത്തിന്റെ മറുപടി. അച്ഛൻ: അസ്‌ഫ്‌ഖ്‌ ആലം. അമ്മ: സെറീന. നാല്‌ സഹോദരങ്ങളുണ്ട്‌. Read on deshabhimani.com