ചാരെയുണ്ടെന്നും
പാലക്കാട്‌ കൽപ്പാത്തി ഗ്രാമത്തിൽ രഥോത്സവ നാളുകൾക്ക്‌ തുടക്കമായപ്പോൾ എൽഡിഎഫ്‌ സ്ഥാനാർഥി ഡോ. പി സരിനും ആഘോഷത്തിനൊപ്പംചേർന്നു. കൽപ്പാത്തിയുടെ വീഥികളിൽ ആയിരങ്ങൾ നിറയുന്ന, അലങ്കരിച്ച ക്ഷേത്രരഥങ്ങൾ ആഘോഷപൂർവം വരവേൽക്കുന്ന ഉത്സവത്തിന്‌ വ്യാഴാഴ്‌ചയായിരുന്നു കൊടിയേറ്റ്‌. തിരക്കിട്ട പര്യടനത്തിനിടയിലും കൊടിയേറ്റിനുമുമ്പേ സരിൻ കൽപ്പാത്തിയിലെത്തി. മന്തക്കര മഹാഗണപതി ക്ഷേത്രത്തിലെ കൊടിയേറ്റിൽ പങ്കെടുത്തശേഷം പ്രധാനക്ഷേത്രമായ വിശാലാക്ഷീസമേത വിശ്വനാഥ സ്വാമി ക്ഷേത്രത്തിലെത്തി. കൽപ്പാത്തി ജനതയ്‌ക്ക്‌ അദ്ദേഹം ഉത്സവാശംസയും നേർന്നു. കൽപ്പാത്തിയുടെ വികസന ആവശ്യങ്ങൾ അക്കമിട്ട്‌ നിരത്തിയ സരിൻ അതിനുള്ള പരിഹാരമൊരുക്കാൻ അവസരം തരണമെന്നും അഭ്യർഥിച്ചു. Read on deshabhimani.com