രക്തസാക്ഷി ഷാജഹാനെ അനുസ്-മരിച്ചു
മരുതറോഡ്‌ സ്വാതന്ത്ര്യദിന തലേന്ന് ആർഎസ്‌എസ്‌ -–-ബിജെപി പ്രവർത്തകർ വെട്ടിക്കൊലപ്പെടുത്തിയ സിപിഐ എം മരുതറോഡ്‌ ലോക്കൽ കമ്മിറ്റിയംഗം ഷാജഹാന്റെ രണ്ടാം രക്തസാക്ഷിദിനം ആചരിച്ചു. പൊതുസമ്മേളനം കാളിപ്പാറയിൽ സിപിഐ എം ജില്ലാ സെക്രട്ടറി ഇ എൻ സുരേഷ്ബാബു ഉദ്ഘാടനം ചെയ്തു. ജില്ലാ സെക്രട്ടറിയറ്റംഗം എ പ്രഭാകരൻ എംഎൽഎ അധ്യക്ഷനായി. ഏരിയ സെക്രട്ടറി എസ് സുഭാഷ് ചന്ദ്രബോസ്, ജില്ലാ കമ്മിറ്റിയംഗങ്ങളായ നിതിൻ കണിച്ചേരി, കെ ബിനുമോൾ, ഏരിയ കമ്മിറ്റിയംഗം പി ഉണ്ണികൃഷ്ണൻ, ലോക്കൽ സെക്രട്ടറി കെ ബി മുരളീധരൻ എന്നിവർ സംസാരിച്ചു. Read on deshabhimani.com