കേന്ദ്ര ബജറ്റിനെതിരെ യുവജന പ്രതിഷേധം
പാലക്കാട് കേരള വിരുദ്ധ–- യുവജനവിരുദ്ധ കേന്ദ്ര ബജറ്റിനെതിരെ പ്രതിഷേധവുമായി ഡിവൈഎഫ്ഐ ജില്ലാ കമ്മിറ്റി നേതൃത്വത്തിൽ പ്രകടനം നടത്തി. വിക്ടോറിയ കോളേജ് പരിസരത്തുനിന്ന്‌ തുടങ്ങിയ മാർച്ച്‌ സ്റ്റേഡിയം ബസ് സ്റ്റാൻഡിൽ സമാപിച്ചു. പ്രതിഷേധ യോഗം ജില്ലാ സെക്രട്ടറി കെ സി റിയാസുദീൻ ഉദ്ഘാടനം ചെയ്തു. ജില്ലാ പ്രസിഡന്റ് ആർ ജയദേവൻ അധ്യക്ഷനായി. ജില്ലാ സെക്രട്ടറിയറ്റ് അംഗങ്ങളായ എസ്‌ കിഷോർ, എം എ ജിതിൻരാജ്, ഷൈജു എന്നിവർ സംസാരിച്ചു. ജില്ലാ ട്രഷറർ എം രൺദീഷ് സ്വാഗതവും ബ്ലോക്ക് സെക്രട്ടറി ആർ ഷനോജ് നന്ദിയും പറഞ്ഞു. Read on deshabhimani.com