നെല്ലിയാമ്പതിയിൽ പുലി നായയെ ആക്രമിച്ചു
കൊല്ലങ്കോട് നെല്ലിയാമ്പതി ഓറഞ്ച് ഫാമിന് സമീപം പുലി നായയെ ആക്രമിക്കുന്നതിന്റെ ദൃശ്യങ്ങൾ ഫാമിലെ നിരീക്ഷണ കാമറയിൽനിന്ന്‌ ലഭിച്ചു. വെള്ളി പുലർച്ചെ 3.20ന്‌ ഫാമിന് മുന്നിലെ പഴയ കെട്ടിടത്തിലാണ്‌ പുലി എത്തിയത്. കെട്ടിടത്തിന് മുന്നിലെ ബെഞ്ചിൽ കിടന്നുറങ്ങിയ നായയെ പുലി ആക്രമിക്കുകയായിരുന്നു. ഫാമിലെ വാച്ചർമാർ ഇവിടെയാണ്‌ താമസം. നായയുടെ ബഹളം കേട്ട് വാച്ചർമാർ ഉണർന്നു. വാതിൽ തുറക്കുന്ന ശബ്ദം കേട്ട് നായയെ ഉപേക്ഷിച്ച് ഓടി. നെല്ലിയാമ്പതിയിൽ മൂന്നാമത്തെ ആക്രമണമാണിത്‌. രണ്ടാഴ്ച മുമ്പ്‌ ചന്ദ്രാമല മട്ടത്തുപാടിയിൽ മേയാൻവിട്ട പശുവിനെ പുലി ആക്രമിച്ചിരുന്നു. Read on deshabhimani.com