കേരള ബാങ്ക് എക്സലന്റ് മിനിസ്റ്റേഴ്സ് ട്രോഫി പാലക്കാട് റീജണൽ ഓഫീസിന്‌
പാലക്കാട് കേരള ബാങ്ക് സംസ്ഥാനതലത്തിൽ ഏർപ്പെടുത്തിയ മികച്ച റീജണൽ ഓഫീസിനുള്ള 2023-–-24 സാമ്പത്തിക വർഷത്തെ മിനിസ്റ്റേഴ്സ് ട്രോഫി പാലക്കാടിന്. പാലക്കാട്, മലപ്പുറം ക്രെഡിറ്റ് പ്രോസസിങ്‌ സെന്ററുകൾ (സിപിസി) ഉൾപ്പെടുന്നതാണ് പാലക്കാട് റീജണൽ ഓഫീസ്. കണ്ണൂർ ദിനേശ് ഓഡിറ്റോറിയത്തിലെ ചടങ്ങിൽ മിനിസ്റ്റേഴ്സ് ട്രോഫി എക്സലന്റ് പുരസ്‌കാരവിതരണ ചടങ്ങ് മുഖ്യമന്ത്രി പിണറായി വിജയൻ ഉദ്ഘാടനംചെയ്തു. സഹകരണ മന്ത്രി വി എൻ വാസവനിൽനിന്ന്‌ പാലക്കാട് റീജണൽ ഓഫീസ് ജനറൽ മാനേജർ പി ബാലഗോപാലൻ, പാലക്കാട് സിപിസി ഡിജിഎം പി ആർ ചന്ദ്രമോഹനൻ, മലപ്പുറം സിപിസി ഡിജിഎം എം കെ ഉപേന്ദ്രൻ എന്നിവർ ചേർന്ന് ഏറ്റുവാങ്ങി. ബാങ്ക് പ്രസിഡന്റ്‌ ഗോപി കോട്ടമുറിക്കൽ സ്വാഗതവും ഡയറക്ടർ കെ ജി വത്സലാകുമാരി നന്ദിയും പറഞ്ഞു. Read on deshabhimani.com