ബൈക്കിലിടിച്ച്‌ നിർത്താതെ പോയ പിക്കപ്‌വാൻ പിടിയിൽ
പാലക്കാട്‌ ബൈക്കിലിടിച്ചശേഷം നിർത്താതെപോയ പിക്കപ്‌വാൻ പൊലീസ് പിടികൂടി. 21ന്‌ പുലർച്ചെ 1.50ന്‌ കല്ലേക്കാട്ടായിരുന്നു അപകടം. പട്ടാമ്പിയിലെ വീട്ടിൽനിന്ന്‌ ലുലുമാളിൽ ജോലിക്ക് പോകുന്ന വിഷ്ണു ഓടിച്ച ബൈക്കിൽ എതിരെ അമിതവേഗത്തിൽ വന്ന പിക്കപ്‌ ഇടിക്കുകയായിരുന്നു. തെറിച്ചുവീണ വിഷ്ണുവിന് ഗുരുതര പരിക്കേറ്റിരുന്നു. ടൗൺ നോർത്ത്‌ പൊലീസ് സിസിടിവി കാമറ ദൃശ്യങ്ങൾ പരിശോധിച്ച് വാളയാർ ടോൾ പ്ലാസയ്‌ക്ക്‌ സമീപത്തുനിന്നാണ്‌ കർണാടക രജിസ്ട്രേഷനുള്ള വാൻ പിടികൂടിയത്‌. ഡ്രൈവർ ബംഗളൂരു സ്വദേശി പ്രസന്നകുമാറി(53)നെ കസ്‌റ്റയിലെടുത്തു. ഇൻസ്‌പെക്ടർ വിപിൻ കെ വേണുഗോപാൽ, എസ്‌ഐമാരായ പി സുജിത്, ഉണ്ണികൃഷ്ണൻ, എസ്‌സിപിഒമാരായ മനീഷ്, റിയാസ്, മണികണ്ഠദാസ് എന്നിവരാണ്‌ അന്വേഷണത്തിന്‌ നേതൃത്വം നൽകിയത്‌. Read on deshabhimani.com