എൽഡിഎഫ് സ്ഥാനാർഥികൾ പത്രിക സമർപ്പിച്ചു
കോന്നി ഉപതെരഞ്ഞെടുപ്പിൽ ബ്ലോക്ക് ഡിവിഷൻ, പഞ്ചായത്ത് വാർഡുകളിൽ എൽഡിഎഫ് സ്ഥാനാർഥികൾ നാമനിർദേശക പത്രിക സമർപ്പിച്ചു. കോന്നി ബ്ലോക്ക് പഞ്ചായത്ത് ഇളകൊള്ളൂർ ഡിവിഷനിലെ ഉപതെരഞ്ഞെടുപ്പിൽ സിപിഐ എം ഏരിയാ കമ്മിറ്റിയംഗവും, പ്രമാടം മുൻ പഞ്ചായത്തംഗവുമായ ജലജാ പ്രകാശാണ് എൽഡിഎഫ് സ്ഥാനാർഥി. വെള്ളി പകൽ 11.30ന് ഉപവരണാധികാരി കോന്നി ബിഡിഒ താരയ്ക്ക് ജലജാ പ്രകാശ് നാമനിർദേശക പത്രിക സമർപ്പിച്ചു. സിപിഐ എം ഏരിയാ സെക്രട്ടറി ശ്യാംലാൽ, ഏരിയാ കമ്മിറ്റിയംഗങ്ങളായ കെ ആർ ജയൻ, ടി രാജേഷ് കുമാർ, കെ എസ് സുരേശൻ, രഘുനാഥ് ഇടത്തിട്ട, പി എസ് കൃഷ്ണകുമാർ, കെ എം മോഹനൻ നായർ, ആർ മോഹനൻ നായർ, മലയാലപ്പുഴ മോഹനൻ, കെ ശ്രീകുമാർ, എൻ ജി സുരേഷ്‌ എന്നിവരുടെ നേതൃത്വത്തിൽ ഇളകൊള്ളൂർ പള്ളിപ്പടിയിൽ നിന്നും പ്രകടനമായി ബ്ലോക്ക് ഓഫീസിലെത്തിയാണ് ജലജാ പ്രകാശ് പത്രിക സമർപ്പിച്ചത്. ഉപതെരഞ്ഞെടുപ്പ് നടക്കുന്ന അരുവാപ്പുലം പഞ്ചായത്ത് 12-ാം വാർഡ് പുളിഞ്ചാണി വാർഡിൽ സിപിഐ എമ്മിലെ മിനി രാജീവാണ് സ്ഥാനാർഥി. വെള്ളി പകൽ 12 ന് ഉപവരണാധികാരിയായ പഞ്ചായത്ത് സെക്രട്ടറി അനിൽ മുമ്പാകെ മിനി രാജീവ്‌ നാമനിർദ്ദേശക പത്രിക സമർപ്പിച്ചു. സിപിഐ എം ഏരിയാ സെക്രട്ടറി ശ്യാംലാൽ ഏരിയാ കമ്മിറ്റിയംഗങ്ങളായ വർഗീസ് ബേബി, രഘുനാഥ് ഇടത്തിട്ട, ദീദുബാലൻ, ലോക്കൽ കമ്മിറ്റിയംഗങ്ങൾ പഞ്ചായത്ത് പ്രസിഡന്റുമാർ എന്നിവരോടൊപ്പം എത്തിയാണ് മിനിരാജീവ് പത്രിക സമർപ്പിച്ചത്. ശനി വൈകിട്ട് 4.30ന് പുളിഞ്ചാണി മാത്യൂസ് സഖറിയയുടെ വസതിയിൽ എൽഡിഎഫ് വാർഡ് തെരഞ്ഞെടുപ്പ് കൺവൻഷൻ ചേരും. അഡ്വ. കെ യു ജനീഷ് കുമാർ എംഎൽഎ ഉദ്ഘാടനം ചെയ്യും. ഞായറാഴ്ച വൈകിട്ട് നാലിന് ഇളകൊള്ളൂർ ഐടിസി പടിയിൽ എൽഡിഎഫ് ബ്ലോക്ക് ഡിവിഷൻ തെരഞ്ഞെടുപ്പ് കൺവൻഷൻ നടക്കും. സിപിഐ എം ജില്ലാ സെക്രട്ടറി കെ പി ഉദയഭാനു ഉദ്ഘാടനം ചെയ്യും. എൽഡിഎഫ് സ്ഥാനാർഥികൾ നാമനിർദേശക പത്രിക സമർപ്പിച്ചു. എൽഡിഎഫ് സ്ഥാനാർഥികൾ നാമനിർദേശക പത്രിക സമർപ്പിച്ചു. Read on deshabhimani.com