മരം വീണ്‌ വീട്ടുകാർ കുടുങ്ങി
അടൂർ കനത്ത മഴയിലും കാറ്റിലും അടൂർ ഹോളിക്രോസ് ആശുപത്രിക്ക് സമീപം പാലവിളയിൽ ജോൺ ഫിലിപ്പോസിന്റെ വീടിന് മുന്നിൽ ആഞ്ഞിലിമരം വീണു. വീട്ടുകാർ പുറത്തേക്ക് ഇറങ്ങാൻ കഴിയാതെ കുടുങ്ങി. കുടുംബനാഥൻ കിടപ്പ് രോഗിയാണ്‌. അഗ്നിരക്ഷാസേന എത്തി മരം മുറിച്ചുമാറ്റി വീട്ടിൽ കുടുങ്ങിയവരെ രക്ഷിച്ചു. ഫയർ ഓഫീസർമാരായ രഞ്ജിത്, മുഹമ്മദ്‌, ഷൈൻകുമാർ, വി എസ് സുജിത്, സുരേഷ്കുമാർ എന്നിവർ രക്ഷാപ്രവർത്തനം നടത്തി. Read on deshabhimani.com