ഗുരുനാഥൻ മണ്ണിൽ പുലി
ഗുരുനാഥൻ മണ്ണ് ഗുരുനാഥൻമണ്ണ് മേഖലയിൽ കണ്ട പുലി വളർത്തുനായയെ കൊന്നു. തോണിയാംകുഴിയിൽ വർഗീസ് കോശിയുടെ നായയെ ആണ് കൊന്നത്. ശനി രാത്രി 11ന് പുലിയെ ഗുരുനാഥൻ മണ്ണ് മാർത്തോമ്മാ പള്ളിക്ക് സമീപം നാട്ടുകാർ കണ്ടിരുന്നു. രാത്രിയിൽ തീറ്റ നൽകിയ ശേഷം റോയി വർഗ്ഗീസിന്റെ വീടിന്റെ പിൻഭാഗത്തായി കെട്ടിയിട്ടിരുന്ന നായയെ ആണ് പുലി കൊന്നത്. ഞായർ പുലർച്ചെയാണ് വീട്ടുകാർ വിവരമറിഞ്ഞത്. സംഭവമറിഞ്ഞ് ഗുരുനാഥൻ മണ്ണ് ഫോറസ്റ്റ് സ്‌റ്റേഷനിലെ വനപാലകർ സ്ഥലത്ത് എത്തി. സമീപ പ്രദേശത്തെ മണ്ണിൽ കണ്ട കാൽപ്പാടുകൾ പരിശോധിച്ച ശേഷമാണ് പുലിയാണ് നായയെ കൊന്നതെന്ന് കണ്ടത്തിയത്. കാട്ടുമൃഗശല്യം രൂക്ഷമായ ഗുരുനാഥൻ മണ്ണിൽ പുലിയുടെ സാന്നിധ്യം നാട്ടുകാരുടെ ഉറക്കം കെടുത്തിയിരിക്കുകയാണ്‌. Read on deshabhimani.com