ജില്ലാ സമ്മേളനം: മാരത്തൺ ചുവരെഴുത്ത്
കോവളം സിപിഐ എം തിരുവനന്തപുരം ജില്ലാ സമ്മേളനത്തോട് അനുബന്ധിച്ച്‌ മാരത്തൺ ചുവരെഴുത്ത് സംഘടിപ്പിച്ചു. തിങ്കൾ വൈകിട്ട്‌ വെള്ളാറിൽ ജില്ലാ സെക്രട്ടറി വി ജോയി ഉദ്ഘാടനം ചെയ്തു. ഇതോടെ പ്രചാരണ പ്രവർത്തനങ്ങൾക്ക്‌ തുടക്കമായി. ഒരു ദിവസം 500 ചുവരെഴുത്ത് എന്ന നിലയിലാണ്‌ പരിപാടി. തിങ്കളാഴ്‌ച കോവളം ഏരിയയിലെ വിവിധ പ്രദേശങ്ങളിൽ ചുവരെഴുതി. ജില്ലാ കമ്മിറ്റി അംഗങ്ങളായ പി എസ് ഹരികുമാർ, പി രാജേന്ദ്രകുമാർ, ഏരിയ സെക്രട്ടറി എസ് അജിത്ത്, പികെഎസ് സംസ്ഥാന പ്രസിഡന്റ്‌ വണ്ടിത്തടം മധു, എ ജെ സുക്കാർണോ, വി അനൂപ്‌ തുടങ്ങിയവർ പങ്കെടുത്തു. ഡിസംബർ 20, 21, 22, 23 തീയതികളിൽ കോവളത്താണ്‌ സമ്മേളനം. Read on deshabhimani.com