ഡിവൈഎഫ്ഐ അംഗത്വവിതരണത്തിന് ജില്ലയില്‍ തുടക്കം
തിരുവനന്തപുരം ‘സോഷ്യലിസമാണ് ഭാവി സമരമാണ് മാർഗം’ എന്ന മുദ്രാവാക്യമുയർത്തി ഡിവൈഎഫ്ഐ അംഗത്വവിതരണ പ്രവർത്തനങ്ങൾക്ക് തുടക്കമായി. അംഗത്വവിതരണത്തിന്റെ ജില്ലാ ഉദ്ഘാടനം സംസ്ഥാന വെയിറ്റ് ലിഫ്റ്റിങ് മെഡൽ ജേതാവായ അജേഷിന് നൽകി ഉദ്ഘാടനം ചെയ്തു. പ്രസിഡന്റ് വി അനൂപ്, സെക്രട്ടറി ഡോ. ഷിജൂഖാൻ, ട്രഷറർ വി എസ് ശ്യാമ, സംസ്ഥാന കമ്മിറ്റി അംഗം എ എം അൻസാരി, ജില്ലാ ജോ. സെക്രട്ടറി ആർ ഉണ്ണിക്കൃഷ്ണൻ, ജില്ലാ കമ്മിറ്റി അംഗം അഞ്ജു, ചാല ബ്ലോക്ക് സെക്രട്ടറി ആദർശ് ഖാൻ, ചാല ബ്ലോക്ക് പ്രസിഡന്റ് പി ജി സമ്പത്ത് തുടങ്ങിയവർ പങ്കെടുത്തു. ജില്ലയിൽ ഈ വർഷം അഞ്ചു ലക്ഷം യുവജനങ്ങളെ അംഗങ്ങളായി ചേർക്കും. Read on deshabhimani.com