കായികതാരങ്ങളെയും കോച്ചിനെയും ആദരിച്ചു
ആറ്റിങ്ങൽ 37–-ാമത് ദേശീയ ഗെയിംസിൽ പെൻകാക് സിലാറ്റ് മത്സരത്തിൽ കേരളത്തിനായി മത്സരിക്കുന്ന താരങ്ങളെയും കോച്ചിനെയും ഒ എസ് അംബിക എംഎൽഎ ആദരിച്ചു. ആറ്റിങ്ങൽ കുന്നുവാരം പെൻകാക് സിലാറ്റ് ക്ലബ്ബിലെ ദേശീയ ഗെയിംസ് ക്യാമ്പിലെത്തിയാണ് കായികതാരങ്ങളെ പൊന്നാടയണിയിച്ച് ആദരിച്ചത്. കോഴിക്കോട്ട് നിന്നുള്ള കെ വിഷ്ണു, ആതിര കോട്ടയത്തു നിന്നുള്ള ശ്രീജിത, ആൻ ആറ്റിങ്ങലിൽനിന്നുള്ള അൽ ഷിഫ്ന ശിഹാബ് എന്നീ താരങ്ങളെയും കോച്ച് എസ് കെ ഷാജിനെയുമാണ് ആദരിച്ചത്. ആറ്റിങ്ങൽ നഗരസഭാ ചെയർപേഴ്സൺ എസ് കുമാരി, ജില്ലാ ഒളിമ്പിക് അസോസിയേഷൻ വൈസ് പ്രസിഡന്റ്‌ വി സമ്പത്ത്, സിപിഐ എം ലോക്കൽ കമ്മിറ്റി അംഗം എസ് ജോയി എന്നിവരും ഒപ്പമുണ്ടായി. Read on deshabhimani.com