ഭിന്നശേഷിക്കാരുടെ വർണോത്സവം
വർക്കല ഇടവ പഞ്ചായത്തിന്റെയും വനിതാ ശിശുക്ഷേമ വകുപ്പിന്റെയും ആഭിമുഖ്യത്തിൽ ഭിന്നശേഷിക്കാരുടെ കലോത്സവമായ വർണോത്സവം സംഘടിപ്പിച്ചു. വെൺകുളം ഗവ. എൽപിഎസിൽ ഇടവ പഞ്ചായത്ത് പ്രസിഡന്റ് എ ബാലിക് ഉദ്ഘാടനം ചെയ്തു. തുടർന്ന് കുട്ടികളും മുതിർന്നവരും കലാപരിപാടികൾ അവതരിപ്പിച്ചു. കവിതകളും മിമിക്രിയും ഗാനമേളയും കാണികളിൽ കൗതുകമുണർത്തി. നാടോടി നൃത്തവും ഫോക്ക് ഡാൻസും അവതരിപ്പിച്ചവരും അഭിനന്ദനങ്ങൾ ഏറ്റുവാങ്ങി. സമാപന സമ്മേളനത്തിന്റെയും സമ്മാനദാനത്തിന്റെയും ഉദ്ഘാടനം പഞ്ചായത്ത് പ്രസിഡന്റ് നിർവഹിച്ചു. വൈസ് പ്രസിഡന്റ് ശുഭ ആർ എസ് കുമാർ അധ്യക്ഷയായി. ജില്ലാ പഞ്ചായത്ത് അംഗം ഗീതാ നസീർ, കെ ജെ സീനത്ത്, സി ബിന്ദു, പുത്തലിഭായ്, ആർ ജെസി, എസ് സജികുമാർ, ആർ ഷീബ, വി ദിവ്യ, എസ് ശ്രീദേവി, ബി ജെസി, എം നസീഫ്, സജീന, മുരളീധരൻ നായർ, സിമിലിയ, ജ്യോതിഷ്മതി, ഷൈ ലജ, ബ്ലെസ്സി എഡ്വേർഡ് തുടങ്ങിയവർ സംസാരിച്ചു. Read on deshabhimani.com