തൃശൂർ സഹോദയ അത്ലറ്റിക് മീറ്റ് കുന്നംകുളത്ത് നാളെ മുതൽ
കുന്നംകുളം തൃശൂർ സഹോദയ സംഘടിപ്പിക്കുന്ന സിബിഎസ്ഇ വിദ്യാലയങ്ങളുടെ അതലറ്റിക് മീറ്റ് 2024 2, 3, 4 തിയതികളിലായി കുന്നംകുളം സീനിയർ ഗ്രൗണ്ടിൽ നടക്കും. 61 സ്കൂളുകളിൽ നിന്നായി രണ്ടായിരത്തിലധികം കായിക താരങ്ങൾ പങ്കെടുക്കും. ഗുഡ് ഷെപ്പേർഡ് സിഎംഐ സ്കൂൾ ആതിഥേയത്വം വഹിക്കുന്ന കായിക മേളയുടെ ഉദ്ഘാടനം 2 ന് രാവിലെ രാവിലെ 9 ന് എ സി മൊയ്തീൻ എംഎൽഎ ഉദ്ഘാടനം ചെയ്യും. കുന്നംകുളം നഗരസഭാ ചെയർപേഴ്സൺ സീതാ രവീന്ദ്രൻ, ഒളിമ്പ്യൻ ലിജോ ഡേവിഡ് തോട്ടാൻ എന്നിവർ മുഖ്യാതിഥികളായിരിക്കും. നാലുവിഭാഗങ്ങളിലായി ആൺകുട്ടികൾക്കും പെൺകുട്ടികൾക്കുമായി 60 ഇനങ്ങളിൽ മത്സരങ്ങൾ നടത്തും. മത്സരങ്ങൾ 4 ന് സമാപിക്കും. സഹോദയ അതലറ്റിക് മീറ്റ് 2024 വിളംബരം ചെയ്ത് റോഡ് ഷോ നടത്തി. കുന്നംകുളം ഗുഡ് ഷെപ്പേർഡ് സ്കൂളിന്റെ നേതൃത്വത്തിൽ നടന്ന ‘റോഡ് ഷോ' സ്കൂൾ പ്രിൻസിപ്പൽ ഫാ. ലിജോ പോൾ ഉദ്ഘാടനം ചെയ്തു. Read on deshabhimani.com