വിജ്ഞാൻ സാഗറിൽ അന്തർദേശീയ ശാസ്ത്ര ചലച്ചിത്രോത്സവം
തൃശൂർ വിജ്ഞാൻ സാഗറിൽ 29, 30 തീയതികളിൽ അന്തർ ദേശീയ ശാസ്ത്ര ചലച്ചിത്രോത്സവം നടക്കും. പരിപാടിയുടെ മുന്നോടിയായി വ്യാഴാഴ്‌ച എല്ലാ വിദ്യാഭ്യാസ സ്ഥാപനങ്ങളിലും ചലച്ചിത്ര പോസ്റ്റർ പ്രകാശനം നടക്കും. പത്തിന് രാമദാസ് തിയറ്ററിൽ സംവിധായകൻ ഷാജി എൻ കരുൺ ഉദ്ഘാടനം ചെയ്യും. 15,16 തീയതികളിൽ ജില്ലയിലെ മുഴുവൻ വിദ്യാഭ്യാസ സ്ഥാപനങ്ങളിലും ചലച്ചിത്ര പ്രദർശനം നടക്കും. 20ന് ശാസ്ത്രസിനിമ നിർമാണ പ്രദർശനം, 24,25 തീയതികളിൽ വായനശാലകളെ ഉൾപ്പെടുത്തി ടൂറിങ്‌ സിനിമയും സംഘടിപ്പിക്കും. ചലച്ചിത്രോത്സവത്തിൽ അമ്പതോളം സിനിമകൾ പ്രദർശിപ്പിക്കും. ജില്ലാ പഞ്ചായത്ത്, സമേതം സമഗ്ര വിദ്യാഭ്യാസ പദ്ധതി, ശാസ്ത്ര സാഹിത്യ പരിഷത്ത്, കെഎസ്എഫ്‌ഡിസി, വിഞ്ജാൻ സാഗർ, ഭൗമം എന്നിവരുടെ സഹകരണത്തോടെയാണ് ചലച്ചിത്രോത്സവം സംഘടിപ്പിക്കുന്നത്. സി ടി അജിത്ത് കുമാർ, അഡ്വ. രവിപ്രകാശ്, ചെറിയാൻ ജോസഫ് എന്നിവർ വാർത്താസമ്മേളനത്തിൽ പങ്കെടുത്തു. Read on deshabhimani.com