സ്‌മരണകളിരമ്പി എസ്എഫ്ഐ പൂർവകാല പ്രവർത്തക സംഗമം
ഗുരുവായൂർ തലമുറകളുടെ സമരാനുഭവങ്ങൾ പങ്കുവച്ച് അവർ ഒത്തുകൂടി. ആവേശമായി എസ് എഫ് ഐ പൂർവകാല പ്രവർത്തക സംഗമം. ഗുരുവായൂരിൽ നടക്കുന്ന എസ്എഫ്ഐ ജില്ലാ സമ്മേളനത്തോടനുബന്ധിച്ചായിരുന്നു ആദ്യകാല വിദ്യാർഥി നേതാക്കൾ ഒത്തുകൂടിയത്. ഗുരുവായൂർ ലൈബ്രറി ഹാളിൽ നടന്ന സംഗമം സിപിഐ എം ജില്ലാ സെക്രട്ടറി എം എം വർഗീസ് ഉദ്ഘാടനം ചെയ്തു. സ്വാഗതസംഘം ചെയർമാൻ കെ വി അബ്ദുൾഖാദർ അധ്യക്ഷനായി. കെഎസ്എഫ് സംസ്ഥാന കമ്മിറ്റി അംഗമായിരുന്ന കെ പി വേലായുധൻ എസ്എഫ്ഐ ജില്ലാ സെക്രട്ടറിമാരായിരുന്ന എ അബ്ദുള്ളക്കുട്ടി, ടി കെ വാസു, സിപിഐ എം ജില്ലാ കമ്മിറ്റിയംഗം എം കൃഷ്ണദാസ്, ചാവക്കാട് ഏരിയ സെക്രട്ടറി ടി ടി ശിവദാസ്, ചാവക്കാട് നഗരസഭാ ചെയർപേഴ്സൺ ഷീജ പ്രശാന്ത്, എസ്എഫ്ഐ ജില്ലാ സെക്രട്ടറി ജിഷ്ണു സത്യൻ, ജില്ലാ പ്രസിഡന്റ് ആർ വിഷ്ണു, ടി അഭിജിത്ത്, സാനിഗാ ബാലകൃഷ്ണൻ, കെ വി ശശി എന്നിവർ സംസാരിച്ചു. Read on deshabhimani.com