മാനിനെ കെട്ടിയിട്ട് ഫോട്ടോയും വീഡിയോ ചിത്രീകരണവും
വരന്തരപ്പിള്ളി പാലപ്പിള്ളിയിൽ മാനിനെ കെട്ടിയിട്ട് ഫോട്ടോയെടുത്ത നാലുപേരുടെ പേരിൽ കേസെടുത്തു. തിരുവനന്തപുരം സ്വദേശികളായ വിനോദ്, ഷിബു, സന്തോഷ് കുമാർ, ഹരി എന്നിവര്‍ക്കെതിരെയാണ് വനം വകുപ്പ് അധികൃതർ കേസെടുത്തത്. പാലപ്പിള്ളി തോട്ടത്തിൽ കരാർ അടിസ്ഥാനത്തിൽ ടാപ്പിങ് ജോലിക്കെത്തിയ ഇവർ ഒളിവിലാണ്. ആഗസ്ത് ആറിനായിരുന്നു സംഭവം. പ്രതികൾ മാനിനെ കെട്ടിയിട്ട് ഫോട്ടോയും വീഡിയോയുമെടുക്കുകയായിരുന്നു. സാമൂഹ മാധ്യമങ്ങളിൽ വീഡിയോ പ്രചരിച്ചതോടെയാണ് വനം വകുപ്പ് സംഭവമറിയുന്നത്. പ്രതികൾക്കുവേണ്ടിയുള്ള അന്വേഷണം ആരംഭിച്ചതായി പാലപ്പിള്ളി റേഞ്ച്‌ ഓഫീസർ അറിയിച്ചു. Read on deshabhimani.com